Stutt námskeið þar sem farið er yfir endurlífgun og notkun AED hjartastuðtækja. Fyrirlestrar og verklegar æfingar

Stutt námskeið þar sem farið er yfir grunnþætti fyrstu hjálpar.

Á námskeiðinu er m.a. farið í aðkomu að slysi, endurlífgun og notkun á hjartastuðtæki, stöðvun blæðinga og fyrstu meðferð við brotum og sárum.

Dagsnámskeið þar sem farið er ítarlega í marga þætti fyrstu hjálpar.

Á námskeiðinu er m.a. farið í aðkomu að slysi, endurlífgun og notkun á hjartastuðtæki, stöðvun blæðinga og fyrstu meðferð við brotum og sárum. Einnig er fjallað um einkenni og viðbrögð við algengum sjúkdómum.

Tveggja daga námskeið þar sem farið er ítarlega í flesta þætti fyrstu hjálpar.

Á námskeiðinu er m.a. farið í aðkomu að slysi, endurlífgun og notkun á hjartastuðtæki, stöðvun blæðinga og fyrstu meðferð við brotum og sárum. Einnig er fjallað um einkenni og viðbrögð við algengum sjúkdómum.

Námskeiðið er ætlað björgunarsveitarfólki, ferðaþjónustu og almenningi. Hentar þeim sem dvelja eða vinna í óbyggðum.

Þetta námskeið er talsvert frábrugðið hefðbundnu skyndihjálparnámskeiði að ýmsu leyti, m.a. eru nemendur undir það búnir að þurfa að sinna sjúklingi í töluvert lengri tíma en þyrfti í byggð ásamt því að nemendur fá þjálfun í því að undirbúa flutning og flytja slasað og veikt fólk.

Markmiðið er að nemendur geti tekið þátt í að meta ástand sjúklinga í kjölfar veikinda og slysa ásamt því að aðstoða við meðferð og undirbúning og/eða flutning þeirra á sjúkrahús.

Framhaldsnámskeið í fyrstu hjálp fyrir þá sem lokið hafa Fyrstu hjálp 1. Námskeiðið er ætlað viðbragðsaðilum, s.s. björgunarsveitarmönnum og lögreglumönnum, ferðaþjónustu og almenningi.

Námskeiðinu er ætlað að dýpka enn betur þekkingu á fyrstu hjálp og lögð áhersla á verklegar æfingar.

Að hluta til er fjallað um fyrstu hjálp út frá þeim verkefnum sem einstaklingurinn er í þegar hann þarf að beita henni.

Fjallað um stjórnun á slysstað og þar undir upplýsingagjöf, mikilvægi skráningar og hvað skal haft í huga ef unnið er með þyrlu LHG.

Þá er farið dýpra í alla meðferð og athuganir þegar setið er yfir sjúklingi. Aðkoma að flugslysi er tekin fyrir svo og aðkoma að látnum.

Síðast en ekki síst er farið í skipulag Slysavarnafélagsins Landsbjargar og Almannavarna í hópslysum.